Zana international literature festival

Mbrëmë nën përkrahjen e poetëve nikoqir, poetë të rinj mitrovicas lexuan poezitë e botuara së fundmi në festivalin ZaNa, me fokus në poezitë e dala nga punëtoritë e shkrimit kreativ. 

Poezitë u përformuan nga pjesëtaret e grupit të shkrimit kreativ “Za” të përbëra nga: Esra Zhilivoda, Eglantina Avdiu, Gentiana Shyti, Diellëza Zhubi, nën mentorimin e Fisnik Istrefit. Natën poetike e bënë akoma më të ngrohtë, me leximin e poezive të tyre poetët ferizajas si: Dije Demiri Frangu, Afrim Demiri, Biser Mehmeti e Faruk Buzhala. Të pranishëm në këtë mbrëmje ishin edhe antarë të shoqatës së verbërve nga Ferizaji, të cilëve ju ndanë kopje të librit me poezi ZaNa në alfabetin Braille, ndërsa nata u bë akoma më emocionale me leximin e një poezie nga znj.Alije Zeqiri. 

Mbrëmja u moderua me elegancë nga z.Afrim Demiri, i cili në emër të komunitetit të poetëve ferizajas, falenderoi mysafirët dhe vlerësoi se nisma të tilla janë mëse të mirëseardhura dhe në dobi të zhvillimit të mëtejmë të letërsisë.

Kjo ngjarje u organizua nga Fondacioni "Dhemetra" si vazhdimësi e aktiviteteve artistike të dala nga Festivali ZaNa, ndërsa u përkrah nga Zyra Zvicrane për Bashkëpunim në Prishtinë.