Zana international literature festival

Adelina Qarkaj

Adelina Qarkaj nga qyteti Mitrovicës, shkollimin fillor dhe të mesëm e ka mbaruar në vendlindje, ndërsa studimet për Gjuhë dhe Letërsi Shqipe pranë Universitetit të Prishtinës. Ne vitin 2018 ka fituar titullin Magjistër i Shkencave Filologjike dhe aktualisht është në prag të diplomimit në Masterin e dytë po në Gjuhë dhe Letërsi Shqipe në Fakultetin e Edukimit, në Universitetin e Prishtinës.
Merret me shkrime që nga shkollimi i saj fillor.
Jeton dhe vepron në Mitrovicë.

Aleksandar Dunderin

Aleksandra Jovicic Dinovic

Aleksandra Jovičić Đinović

Aleksandra Joviçiq Gjinoviq

Aleksandra Joviçiq Gjinoviq ka lindur në Prishtinë dhe është rritur në Rahovec. Ajo u diplomua në Degën e Letërsisë së Përgjithshme dhe Teorisë së Letërsisë në Universitetin e Beogradit dhe magjistroi në Departamentin e Letërsisë dhe Gjuhës Serbe në Universitetin Shtetëror të Novi Pazarit. Fituese e çmimit Mak Dizdar për Poetin e Ri. (Kryetari, 2017). Në konkursin letrar, për nder të Rado Drainacit në vitin 2018, ajo fitoi çmimin e parë me esen e saj. Ajo është fituese e çmimit të dytë në konkursin “Ulaznica 2020”. Përmbledhja e dytë me poezi "Vdekjet tona të vogla" u botua në mars 2020 nga Punëtoria Letrare Rashiq. Fituese e çmimit "Milutin Bojiq" për vitin 2021, për dorëshkrim të pabotuar. Redakton për revistën elektronike “Libartes”.

Arbër Selmani

Arbër Selmani është poet dhe gazetar nga Prishtina. Ka botuar tre libra: dy në fushën e gazetarisë kulturore dhe një përmbledhje me poezi. Shkrimet e tij janë përkthyer në anglisht, greqisht, gjermanisht, frëngjisht, sllovenisht e serbokroatisht. Ai është botuar në Rhodora Magazine, Ethel Zine, Zoetic Press dhe disa revista tjera të letërsisë nëpër botë. Është në përgatitje të librit të radhës me poezi.

Darija Mashkoviq

Darija Mashkoviq. Ajo, disa herë ia doli te ishte vetja. Biografia e saj tek do të shkruhet.

Edis Galushi

Edis Galushi u lind në vitin 1989 në Prizren ku edhe kreu shkollën fillore dhe të mesme. Është ndër autorët e rrallë romë në Kosovë dhe kontribuon në trashëgimin e kulturës dhe letërsisë rome përmes poezisë dhe shfaqjeve teatrale, shumicën e të cilave i ka shkruar vetë. Nga viti 2007- 2014 ka punuar si gazetar në Radio Televizionin e Kosovës. Studimet themelore për gjuhë dhe letërsi angleze i ka kryer në Universitetin e Prishtinës (Kosovë) dhe Universitetin e Vilniusit (Lituani), ndërsa studimet diplomike në Universitetin e Zagrebit. Aktualisht punon si mësimdhënës dhe përkthyes për shqip, anglisht, serbisht dhe romisht.

Fatlum Sadiku

Fatlum Sadiku, i lindur me 1987 në Mitrovicë, politikolog dhe përkthyes. Përktheu ese letrare dhe filozofike nga Danillo Kish, Andrey Konchalovski, Ulus Baker etj. Mes viteve 2012-2016 jetoi dhe studioi në Stamboll dhe Ankara të Turqisë. Me poezi merret që 7 vite. Ka përkthyer për platforma vendore dhe rajonale. Së fundi revista greke Teflon i ka botuar poezinë Homo Faber.

Flora Halimi

Flora Halimi e lindur në Podujevë në vitin 2001, shkollimin fillor e mbaroj në fshatin Gërdoc, ndërsa shkollën e mesme në Gjimnazin "Aleksander Xhuvani", në Podujevë.
Studion në Fakultetin Juridik në Universitetin e Prishtinës. Poezitë dhe proza e saj është botuar në disa libra antologjikë dhe përmbledhje poezish si dhe gazeta digjitale, disa nga të cilat janë vlerësuar edhe me çmime.

Lulzim Hoti

Oriada Dajko

Oriada Dajko ka qenё disa herё pёrfaqёsuese e Shqipёrisё nё festivale dhe aktivitete letrare ndёrkombёtare pёr tё rinj. Poezi të ndryshme janë botuar në antologji dhe revista në Shqipëri dhe vende tё tjera. Fituese e çmimit të parë për poezi në edicionin e katërt të Festivalit Letrar për të Rinj, ndёrsa në edicionin e pestë të Festivalit Letrar për të Rinj, fiton çmimin e parë në kategorinë prozë. E diplomuar pёr trashёgiminё kulturore, Oriada ka shprehur angazhimin nё projekte kulturore nё Shqipёri dhe Kosovё.

Qëndresa Prapashtica

Qëndresa Prapashtica e lindur në Prishtinë. Kreu shkollën e mesme në Gjimnazin Filologjik “Eqrem Çabej” dhe vazhdoi studimet në Universitetin e Prishtinës në Psikologji Klinike dhe Shëndeti. Me prozë poetike dhe poezi merret qysh herët, e botuar në disa revista ndër vite.

Shpëtim Selmani

Shpëtim Selmani (i lindur në vitin 1986) është shkrimtar dhe aktor Kosovar. Ka studiuar në Universitetin e Prishtinës. Ka aktruar në skenën vendore dhe atë ndërkombëtare. Librat e tij janë: Shënimet e një Grindaveci, 2015; Poezi të përzgjedhura 2010-2017; Poetry in Time of Blood and Despair (Multimedia, Prishtinë), 2017; Libërthi i dashurisë botuar në 2019 nga Armagedoni në Prishtinë. Libërthi i dashurisë fitoi çmimin e BE-së për letërsi në vitin 2020. Revista The Guardian në vitin 2014 e ka cilësuar si ushtrues spektakular të pesimizmit konciz.

Shpetim Selmani

Vlora Ademi