Zana international literature festival

News

Festivali i Letërsisë ZaNa publikon datat e edicionit të katërt

Festivali i Letërsisë ZaNa ka publikuar datat e edicionit të tij të katërt, i cili do të mbahet nga 22 deri më 25 maj 2024. Ky festival përbëhet nga një grup artistesh gra nga Mitrovica, të cilat punojnë së bashku për të bashkuar komunitetet përmes artit, duke festuar punën e grave dhe të rinjve në fushën e kulturës.

ZaNa promovon letërsinë dhe artin si mjete për krijimin e hapësirave të reja për të mësuar dhe për të ndërvepruar. Në një qytet ku nisma të tilla janë të pakta, ky festival përfaqëson një mundësi të veçantë për komunitetin.

Gjatë katër ditëve të festivalit, pjesëmarrësit do të kenë mundësinë të marrin pjesë në një sërë aktivitetesh, duke përfshirë netë poetike, punëtori kreative e muzikë.